«AMANAT» partııasynyń Ortalyq apparatynda Energetıka komıtetiniń alǵashqy uıymdastyrý otyrysy ótti. Jıynda onyń quramy men erejesi bekitildi, dep habarlaıdy Egemen.kz.
Komıtet tóraǵasy bolyp Májilis depýtaty, «AMANAT» partııasy fraksııasynyń múshesi Dúısenbaı Turǵanov saılandy.
Partııa hatshysy Eldar Jumaǵazıev atap ótkendeı, osy alańda múddeli memlekettik organdardyń, iri energetıkalyq korporasııalardyń, óńirlik kásiporyndardyń, sarapshylar qaýymdastyǵy men bıznes ókilderiniń qatysýymen energetıka salasynyń máseleleri turaqty negizde talqylanady.
О́zekti máseleler qatarynda energetıka salasyndaǵy eńbekaqy tóleý deńgeıi, tarıfterdi belgileý, emıssııalar monıtorınginiń avtomattandyrylǵan júıesin engizý jáne basqalar bar.
Komıtettiń alǵashqy otyrysy kelesi aıda elimizdiń energetıkalyq ortalyǵy - Pavlodar qalasynda ótedi.