Batys Qazaqstan oblysynda 22 mln teńgeden astam qarjyny jymqyryp, oıyn-saýyqqa jáne býkmeker keńselerine bás tigip shashqan esepshi sottaldy.
Oqıǵa bylaı bolǵan: 2018-2020 jyldar aralyǵynda Terekti aýdany balalar mýzyka mektebiniń bas býhgalteri A.Berdnıkov óziniń qyzmettik jaǵdaıyn paıdalanyp, kásiporyn dırektorynyń elektrondy-sıfrly qoltańbasyn qoıyp, ınternet-bankıng arqyly óziniń jeke shottaryna jalaqy jáne basqa da tólemderdi negizsiz aýdarǵan. Sóıtip, úsh jyl ishinde memleketke jalpy kólemi 22 200 790 teńge zalal keltirgen.
Osy isti tergep-teksergen Qarjy monıtorıngi agenttiginiń Batys Qazaqstan oblysy boıynsha aýmaqtyq departamenti álgi býhgalterdiń urlaǵan qarjyny oıyn-saýyqqa jáne býkmeker keńselerinde bás tigýge jumsaǵanyn anyqtaǵan.
Jaqynda Batys Qazaqstan oblysy Terekti aýdandyq soty A.Berdnıkovti Qazaqstan Respýblıkasy Qylmystyq kodeksiniń 189-baby 4-bóliginiń 2-tarmaǵynda kózdelgen qylmystyq quqyq buzýshylyqty jasaǵany úshin kináli dep tanydy.
О́zine senip tapsyrylǵan aqsha qarajatyn asa iri mólsherde jymqyrǵany úshin básqumar býhgalter jeti jyl merzimge bas bostandyǵynan aıyryldy. Buǵan qosa ol 5 jylǵa deıin memlekettik uıymdarda jáne kvazımemlekettik sektor sýbektilerinde, kommersııalyq jáne kommersııalyq emes uıymdarda qarjylyq qyzmetke jáne materıaldyq jaýapkershilikke baılanysty laýazymdardy atqara almaıdy.
Batys Qazaqstan oblysy