Tarazda 47 mıllıon teńgeni alaıaqtyq jolmen ıemdengen áıel ustaldy, dep habarlaıdy Egemen.kz Polisia.kz-ke silteme jasap.
Taraz qalasynyń Polısııa basqarmasyna Jambyl oblysynyń turǵyndarynan alaıaqtyq jolmen aldap, qomaqty somada aqshalaryn jymqyrǵan belgisiz azamatshaǵa qatysty aryz túsken.
Qalalyq basqarmanyń jedel-tergeý tobymen 34 jastaǵy azamatsha anyqtaldy. Ol qala turǵyndaryna tómen paıyzben nesıe shyǵarǵan, alaıda aqshany ózine ıemdengen. Alǵan nesıe somalary 500 myńnan bastap 5 mıllıon teńge kóleminde bolǵan. Jalpy keltirilgen shyǵyn kólemi 47 mln 80 myń teńgeni quraıdy.
Kúdikti áıel óz kinásin moıyndap, ýaqytsha ustaý ızolıatoryna qamaýǵa alyndy.
Atalǵan derek boıynsha QR QK-niń 190-babymen (Alaıaqtyq) tergep-tekserý amaldary júrgizilip jatyr.