Senatorlar Nurlan Beknazarov pen Bekbolat Orynbekov Aqmola oblysynyń Aqkól aýdanyna jumys sapary barysynda aýdandyq máslıhat depýtattarymen kezdesti.
Parlamentshiler Palatanyń VII shaqyrylymynyń 2 sessııasy jumysynyń qorytyndylary, qaralǵan máselelerdiń tizbesi, maquldanǵan normatıvtik-quqyqtyq aktiler men pysyqtaýǵa jiberilgen jobalardyń sany týraly aıtyp berdi. Kezdesýge qatysýshylar sonymen qatar elimizdiń joǵary zań shyǵarýshy organynyń jumysyna qatysty Konstıtýsııaǵa túzetýlerdi júzege asyrýdy, sondaı-aq Senat jumysyndaǵy búgingi basymdyqtardy talqylady.
Máslıhat depýtattary óz kezeginde aýdandaǵy jaǵdaı týraly aıtty jáne ózekti máselelermen bólisti. Senatorlar qoǵamdy tolǵandyrǵan suraqtarǵa jaýap berdi jáne olardyń sheshýge kómektesetinderin aıtty.
Máslıhat hatshysy Juldyzaı Salybekova óziniń qorytyndy sózinde kezdesýge kelip, búgingi kúnniń problemalaryn talqylaýǵa múmkindik bergen senatorlarǵa alǵys aıtty.