Qutqarýshylar Almaty taýlarynda adasqan týrısterge kómektesti. Úsh adamnan turatyn otbasy serýenge shyǵyp, adasyp qalǵan, dep habarlaıdy Egemen.kz.
QR TJM «Respýblıkalyq jedel-qutqarý jasaǵy» MM qyzmetkerleri er adam men áıel adamǵa jáne 13 jastaǵy jasóspirimge kómek kórsetken.
«9 shildede olar eski japon jolymen Almarasan shatqalynda serýendeýge barýdy uıǵarǵan. Biraq baǵdaryn joǵaltyp, keshke deıin adasyp júrgen. Alty qutqarýshy adasqandardy izdeýge shyǵyp, saǵat 21:00 shamasynda aǵa qutqarýshyǵa geolokasııa jiberildi. Bir saǵat ishinde qutqarýshylar adasqandardy taýyp alyp, túsýge kómektesti», dedi QR TJM «Respýblıkalyq jedel-qutqarý jasaǵy» MM baspasóz qyzmeti.