Keshe saǵat 20.00-de «Kazfosfat» JShS mıneraldy tyńaıtqyshtar zaýytynda qysqa merzimdi tútindik shyǵarylym boldy, dep habarlaıdy Egemen.kz.
Bul boıynsha oblys ákiminiń tapsyrmasymen shuǵyl ekologtar, Tótenshe jaǵdaılar departamentiniń mamandary jáne basqa da jaýapty tulǵalardyń qatysýymen jumys toby quryldy. Jumys tobyn Jambyl oblysy ákiminiń orynbasary Rústem Dáýlet basqarady.
Jambyl oblystyq ekologııa departamenti Taraz qalasyndaǵy Súleımenov kóshesinde ShRK (shekti ruqsat etilgen konsentrasııa) boıynsha ólsheý júrgizdi. Nátıjesinde ammıak pen kúkirtti sýtegi boıynsha ShRK mólsherinen aspaǵandyǵy anyqtalǵan. Ftor qosylystarynyń azdap joǵarylaýy baıqalǵan.
Sondaı-aq Jambyl aýdany Shaıqoryq aýylynda da zerdeleý júrgizilgen. ShRK artýy anyqtalǵan joq.
Taraz qalasynyń Sátbaev kóshesinde ornalasqan «Qazgıdromet» RMK avtomattandyrylǵan stansııasynyń málimetinshe, aýadan zııandylyǵy joǵary zattar tabylmaǵan.
Taraz qalasynyń turǵyndarynyń densaýlyǵyna eshqandaı qaýip joq. Qazirgi ýaqytta tútin basylǵan.
Erteń ekologııa departamentimen qosymsha aqparattar usynylatyn bolady.