Shyǵys Qazaqstan oblysynyń polıseıleri QR IIM EQQKD úılestirýimen aımaqqa sıntetıkalyq jáne psıhotroptyq esirtkilerdi jetkizý arnasynyń jolyn kesý boıynsha arnaıy operasııa ótkizdi, dep habarlaıdy Egemen.kz IIM baspasóz qyzmetine silteme jasap.
Jedel tekserý sharalarynyń nátıjesinde, esirtkini ótkizý prosesine jastardy izdeý jáne tartý úshin eldiń shyǵysyna kelgen 26 jastaǵy О́zbekstan azamaty ustaldy. Tintý barysynda odan salmaǵy 500 gramnan asatyn «alfa-PVP» psıhotropty zat tárkilendi.
– Ustalǵan adamǵa qatysty QR QK 297-baby 3-bóligi boıynsha sotqa deıingi tergeý júrgizilýde jáne sottyń sanksııasymen ol qamaýǵa alyndy. Qabyldanǵan sharalarmen 1 600-den astam bir rettik doza sıntetıkalyq esirtkiniń zańsyz aınalymǵa túsýine jol berilmedi, – dedi ShQO PD bastyǵynyń orynbasary Talǵat Shaıahmetov.
Osy baptyń sanksııasymen 10 jyldan 15 jylǵa deıingi merzimge bas bostandyǵynan aıyrý túrindegi jaza kózdelgen.