Aqtóbede qutqarýshylar 2 jáne 4 metr tereńdikten eki adamnyń denesin alyp shyqty. Qaıǵyly oqıǵanyń biri qalada, biri aýylda oryn alǵan, dep habarlaıdy Egemen.kz.
О́tken táýlikte saǵat 22:06-da Aqtóbe oblystyq TJD kezekshilik-dıspetcherlik basqarý pýltine qaladaǵy «Tropicana» jaǵajaıynda er adamnyń sýǵa batyp ketkeni týraly aqparat tústi.
Shaqyrtý ornyna jetken qutqarýshylar 27 jastaǵy jergilikti turǵynnyń jeke jaǵajaıda sýǵa ketkenin anyqtady. Onyń denesi jaǵadan 10 metr qashyqta 2 metr tereńdikten shyǵaryldy.
«Keshe Muǵaljar aýdany Qumjarǵan aýyldyq okrýgine qarasty Sheńgelshi aýylynda Jem ózenine 34 jastaǵy er adam batyp ketti. Almaty oblysy Taldyqorǵan qalasy turǵynynyń denesi 4 metr tereńdikten shyǵaryldy», delingen oblystyq TJD habarlamasynda.