ASTANA. 30 sáýir. Búgin túnde Magnıtogorskiniń «Metallýrg» komandasy 2013/2014 maýsymnyń Gagarın Kýbogyna qol jetkizdi. Ol Chehııanyń «Lev» (Praga) komandasymen óz alańynda ótkizilgen jetinshi fınaldyq matchta 7:4 (1:1, 3:1, 3:2) etip etip, serııada birinshi bolyp tórtinshi jeńisine jetti – 4:3! Bul týraly ITAR-TASS habarlady.
Oral taýynyń etegindegi jurttyń jasaǵy óziniń tarıhynda atalmysh Kýbokty birinshi ret enshilep otyr. Sondaı-aq ınternasıonaldyq týrnır bolyp tabylatyn Qurlyqtyq hokkeı lıgasynyń fınaldyq kezdesýine de birinshi ret sheteldik komanda qatysty.
Matchta alań ıelerinen Fransıs Pare (5-mınýt), Evgenıı Bırıýkov (24), Iаroslav Kosov (37), Iаn Kovarj (38), Sergeı Mozıakın (44), Danıs Zarıpov (53) jáne Mıhaıl Iýnkov (60) shaıba salsa, meımandar komandasynan Davıd Ýllstrem (14), Raıan O'Brın (35), Martın Ternberg (54) jáne Djastın Azevedo (59) kózge tústi.
Osylaısha «Metallýrg» jasaǵy osy jeńisimen serııada 4:3 esebimen sońǵy núkteni qoıdy. Al eki komandanyń arasyndaǵy buǵan deıingi fınaldyq kezdesýler mynadaı nátıjelermen aıaqtaldy: «Metallýrg» – «Lev» 0:3, 4:1, 2:3, 5:3, 2:1 OT, 4:5 OT, 7:4.
Komandanyń Sergeı Mozıakın esimdi hokkeıshisi Gagarın Kýbogynyń eń qundy oıynshysy atandy. Oǵan match sońynda baǵaly syılyq tabys etildi. Mundaı qurmetke ol 21 matchta 13 shaıba salyp, 20 nátıjeli pas bergeni úshin jetti.
Buǵan deıin Gagarın Kýbogyn Qazannyń «Aq Bars» (2009, 2010), Ýfanyń «Salavat Iýlaev» (2011) jáne Máskeýdiń «Dınamo» (2012, 2013) komandalary jeńip alǵan bolatyn.
Qurlyqtyq hokkeı lıgasynda sondaı-aq Reseı chempıony da anyqtaldy. Ony da jartylaı fınaldyq báseke serııasynda Ýfanyń «Salavat Iýlaev» jamaǵatynan 4:1 degen jalpy eseppen basym túsken magnıtogorskilikter aldy.
Damır Qojamqul.
Derekkóz: ITAR-TASS.
Foto: ITAR-TASS/Artem Korotaev.