Aqmola oblysynyń Ereımentaý qalasynda kórshisin atyp óltirgen 60 jastaǵy jergilikti turǵynnyń ústinen qylmystyq is qozǵaldy, dep habarlaıdy Egemen.kz.
Aqmola oblystyq polısııa departamenti baspasóz qyzmetiniń málimetinshe, qandy qylmys búgin bolǵan.
«Ereımentaý qalasynyń 38 jastaǵy turǵynyn óltirý deregi boıynsha Qylmystyq kodekstiń 99-baby 1-bóligi boıynsha sotqa deıingi tergeý bastaldy. Osy qylmysqa kúdikti retinde 60 jastaǵy kórshisi ustalyp, qarý tárkilendi. Sonymen birge, oqıǵa kýágerleri de anyqtaldy. Qylmystyq isti tergeý sheńberinde tıisti saraptamalar taǵaıyndaldy», dedi oblystyq polısııa departamentiniń baspasóz qyzmetinen.