Qarjylyq monıtorıng agenttigi Atyraý oblysy boıynsha departamentiniń qyzmetkerleri zańsyz oıyn oryndaryn anyqtady, dep habarlaıdy Egemen.kz vedomstvonyń baspasóz qyzmetine silteme jasap.
«Anyqtalǵandaı, eki azamat 2021 jyldyń tamyz aıy men 2022 jyldyń maýsym aıy aralyǵynda Atyraý qalasynda ornalasqan monsha ǵımaratynda jáne páterde tyıym salynǵan qumar oıyndy júzege asyrǵan. Qazaqstan Respýblıkasynyń zańnamasynda bekitilgen oıyn bıznesi tártibin buzý qylmystyq áreketteri áshkerelendi. Sot úkimimen eki adam qylmystyq quqyq buzýshylyqty jasaǵany úshin kináli dep tanylyp, árqaısysynyń 2 jylǵa bas bostandyǵy shekteldi», delingen resmı habarlamada.