Irikteý saıystarynda súrindi

Erler arasyndaǵy elimizdiń ekinshi raketkasy Mıhaıl Kýkýsh­kın shırek fınalda ar­gentınalyq Nıkolas Kıkerdi 6:3, 6:7, 4:0 esebimen utty. Úshin­shi sette qarsylasy kez­desýdi jalǵastyrýdan bas tart­ty. Jartylaı fınalda ol ıspanııalyq Fernando Ver­daskomen kúsh synasty. 38 jas­taǵy Pıreneı túbeginiń ókili Aýstralııanyń ashyq birin­shiliginde úzdik tórttikke enip, ATR týrnırlerin jeti ret utqan. US open men Rolan Garrostyń shırek fınalynda oınap, álemniń jetinshi raketkasy atanǵan. Biraq Verdaskoda qazir ondaı qarqyn joq. Bul kúnderi ol ATR reıtınginde nebári 122-oryndy qanaǵat tu­týda. Biraq Fernandonyń «syry ketse de, syny ketpegen» eken. Bul báseke 7:6, 6:3 esebimen ıspanııalyq tennısshiniń paıdasyna sheshildi.

Tusaýkeser kezdesýinde ıta­lııalyq Andrea Pelle­grı­nodan 4:6, 7:5, 6:2 esebimen basym túsken Dmıtrıı Popko ekinshi kezeńde Norbert Gom­boshpen sheberlik baıqasty. Slovakııanyń ókili úzdikter tiziminde 114-oryndy ıelenýde. Eki oıynshy 2 saǵat 16 mınýt boıy aıqasty. Nátıjesinde, 6:4, 4:6, 6:2 esebimen Gambosh kelesi aınalymǵa ótti.

AQSh-tyń ashyq birin­shili­giniń negizgi básekeleri 29 ta­myzda bastalady. Erler ara­syndaǵy elimizdiń birinshi raketkasy Aleksandr Býblık ATR reıtınginde 71-orynda turǵan fransııalyq Iýgo Gas­tonmen kúsh synasady. Áıel­der arasyndaǵy úzdigimiz, Ýımbldon-2022 týr­nıriniń je­ńimpazy Elena Ry­bakınanyń qarsylasy áli anyq­talǵan joq. Otandasymyz irikteý synynda jeńimpaz atanǵan ten­nıs­shimen kezdesedi. Al onyń kim bo­latyny ázirge belgisiz. Iýlııa Pý­tınseva álemniń 24-raket­ka­sy, amerıkalyq Amanda Anı­sı­mo­vamen oınaıdy.