«Qazposhta» AQ-nyń barlyq qyzmeti úsh kúnge toqtatylady. Bul týraly kompanııanyń resmı saıtynda jarııalandy, dep habarlaıdy Egemen.kz.
Josparly tehnıkalyq jumystar júrgiziledi.
«Nur-Sultan ýaqytymen 2022 jyldyń 28 tamyzynda saǵat 00:00-den 2022 jyldyń 31 tamyzy saǵat 08:00-ge deıingi aralyqta «Qazposhta» AQ bólimshelerinde, postamattarda, termınaldarda, «Kassa24» termınaldarynda, post.kz, postbank.kz saıttarynda poshtalyq jáne qarjylyq qyzmetterdiń barlyq túri jumysyn toqtatady», delingen resmı habarlamada.
Kompanııa mamandary jeksenbige deıin barlyq operasııany aldyn ala jasaýǵa keńes berdi.
«Bólimshelerge barý, termınaldar men onlaın qyzmetter arqyly operasııalar júrgizý, hattardy, qujattar men sálemdemelerdi qabyldaý/jiberý sekildi «Qazposhta» AQ qyzmetterin alatyn bolsańyz, aldyn ala josparlańyz. Týyndaǵan qolaısyzdyqtar úshin keshirim suraımyz», deıdi kompanııa ókili.