Boxrec.com saıty qazirgi kezde kúsh synasyp júrgen Qazaqstannyń eń úzdik kásipqoı boksshylarynyń reıtıngin jarııa etti.
Judyryǵy joıqyn jigitterdiń kóshin dańqty Gennadıı Golovkın (42-1-1, 37 KO) bastap tur. Ekinshi orynda – Jánibek Álimhanuly (12-0, 8 KO). Tipten dýaly aýyz mamandardyń ózderi kúni keshe ǵana WBO tujyrymynyń teńdessizi dep tanylǵan qazaqtyń qaısar ulynyń baǵyndyrar belesteri budan da bıik bolady dep otyr. Úshinshi satyǵa Sergeı Lıpınes (17-2-1, 13 KO) jaıǵasty. Jýyrda jartylaı orta salmaqta WBC-tyń altyn belbeýin ıelengen bul jigit Reseıdiń týy astynda óner kórsetetini belgili. Desek te ol Aqtóbe oblysy, Mártók aýylynyń týmasy ekenin jankúıerler jaqsy biledi. Bálkim, Boxrec.com saıty Lıpınesti qazaqstandyq boksshylardyń qataryna qosqanda osy jaıtty eskergen bolar.
Sondaı-aq TOP-10 boksshynyń qataryna Meıirim Nursultanov (17-0, 10 KO), Rýslan Mádıev (14-2, 5 KO), Jan Kosobýskıı (18-0, 17 KO), Bekman Soılybaev (14-1, 5 KO), Qanat Islam (28-1, 22 KO), Danııar Eleýsinov (11-0, 6 KO) jáne Batyr Júkembaev (19-1, 15 KO) endi.