Búgingi Úkimet otyrysynda Álıhan Smaıylov «Atameken» Ulttyq kásipkerler palatasymen birlesip, sarapshylardyń jáne bıznes ókilderiniń qatysýymen Jańa Salyq kodeksin ázirleýdi tapsyrdy, dep habarlaıdy Egemen.kz.
Álıhan Smaıylov Prezıdenttiń tapsyrmasy boıynsha Úkimettiń bıýdjettik josparlaýdy reformalaý boıynsha tıisti jumystar júrgizip jatqanyn eske saldy.
«Memleket basshysy bıýdjettik prosesterdi jeńildetý, bıýdjetti josparlaý kezinde shekti normatıvterdi bekitý, bıýdjettik táýekelderdi basqarý júıesin engizý, óńirlerdiń qarjylyq táýelsizdigin arttyrý boıynsha naqty mindetter qoıdy. Bul sharalar júrgizilip jatqan bıýdjet saıasatynyń tıimdiligin jáne memlekettik shyǵystardyń nátıjeligin sapaly túrde arttyrýǵa múmkindik beredi», dedi Premer-Mınıstr.
Osyǵan baılanysty Ulttyq ekonomıka jáne Qarjy mınıstrlikterine osy tapsyrmalardy zań júzinde bekitý máselesin jedel pysyqtap, jańa Bıýdjet kodeksiniń jobasyn ázirleý tapsyryldy.