Elordalyq stýdentter Prezıdenttiń bıylǵy Joldaýyndaǵy ózekti máselelerdi talqyǵa saldy. Jas belsendilerdiń aıtýynsha, baǵdarlamalyq qujatty júzege asyrý barlyq qazaqstandyqtardyń ómir sapasyn jaqsartady, dep habarlaıdy Egemen.kz Nur-Sultan ákimdiginiń resmı saıtyna silteme jasap.
Kezdesýge qala ákiminiń orynbasary Eset Báıken, ishki saıasat basqarmasynyń basshysy Dáýren Babamuratov, belsendi, prodıýser Azat Ábiken, jastar uıymdarynyń ókilderi men elordalyq JOO stýdentteri qatysty.
Elordalyq jastar Memleket basshysynyń bıylǵy Joldaýynda jarııalaǵan reformalaryn talqylady. Stýdentter Prezıdenttiń sıfrlandyrý, bıznes pen adamı kapıtaldy damytýǵa qatysty bastamalaryna erekshe nazar aýdardy.
«Birinshi qyrkúıekte Prezıdent Qasym-Jomart Toqaevtyń Joldaýyn otbasymyzben qarap otyrdyq. Meniń jeke nazaryma ilikken birneshe sátter boldy. Memleket basshysy medısına máseleleri, sharýashylyqty damytý jáne zeınetkerlik jasty tómendetý sııaqty barlyq mańyzdy aspektilerdi atap ótti», dedi kolledj stýdenti Arýjan Túsipova.
Basqosýda stýdentter bilim alýdyń qoljetimdiligin erekshe atap ótti. Joǵary oqý oryndarynda bilim alý quny ósetinine baılanysty, Prezıdent saralanǵan granttardy bólýdi usyndy. Stýdentterdiń paıymynsha, 2-3% jeńildikpen nesıe berý jáne «Ulttyq qor - balalarǵa» bastamasy jastar men balalardyń jarqyn bolashaǵyna úles qosady.
«Joldaýda atap ótilgen jańa Ulttyq qor, balalarǵa qatysty mańyzdy jobalar óte unady. Meniń oıymsha, «Jańa Qazaqstan» shynaıy. Ol bar», dedi belsendi Azat Ábiken.
«Astana jastary» jastar resýrstyq ortalyǵynyń bólim basshysy Araılym Saparǵalıdiń aıtýynsha, 18 jasqa deıingi balalarǵa arnalǵan Ulttyq qor jastar arasynda qoldaý tapty. Bul tek jas qazaqstandyqtar úshin ǵana emes, barsha qazaqstandyqtar úshin kútpegen biraq óte jaǵymdy jańalyq boldy.
Jas belsendiler eń tómengi jalaqy mólsherin kóterýdi óte mańyzdy dep sanaıdy. Sebebi tek osy bastama ǵana eki mıllıonǵa jýyq qazaqstandyqtyń tabysyn arttyrýǵa múmkindik beredi.
«Qazirgi ýaqytta jastar saıası alańda óte belsendi. Olar Qazaqstannyń saıasatyna, ekonomıkasyna, áleýmettik saıasatyna qatysady. Jastar negizinen óz eline qalaı kómektesýge bolatynyn, jaǵdaıdy qalaı jaqsartýǵa, óz úlesin qalaı qosýǵa bolatynyn bilýge umtylady. Sońǵy ýaqytta mundaı kezdesýler jıi ótip jatyr. Olardyń bastamashylary, árıne, jastardyń ózi», dedi «Astana jastary» jastar resýrstyq ortalyǵynyń eriktiler qozǵalysyn damytý bóliminiń basshysy Elvıra Esmuhanova.