Kúrdeli jóndeý nege kesh bastaldy?

Bıyl Balalar jyly ekeni belgili. Ár jylda elimizde ba­la­lardy qorǵaýǵa, sapaly bi­limmen qamtýǵa, ásirese múmkin­digi shekteýli balalardyń den­saý­­lyǵyn nyǵaıtýǵa, ınfra­qu­­rylymdy damytýǵa erekshe kó­ńil bólinip keledi. Alaıda Jam­­byl oblysy, Moıynqum aýda­­nynyń ortalyǵyndaǵy 700 oryndyq T.Rysqulov atyn­­daǵy tirek mektebi jańa oqý jyly bastalysymen-aq kúrdeli jón­deýge ketkeni kóp­tiń kóńilin kúp­ti etip otyr. Kúrdeli jóndeý jumys­ta­ry­nyń jobalyq-smetalyq qu­jatynyń jalpy quny – 270 mln teńge. Alǵashynda konkýrs nátıjesi boıynsha jeńimpaz «Servıs sentr-2007» JShS bolyp anyqtalǵanymen, ekinshi merdigerdiń shaǵymdanýyna baılanysty konkýrs qorytyndysy 20 kúnge qaıta qaralýǵa jibe­rilgen. Konkýrs nátıjesimen «Servıs sentr -2007» JShS 223 mln teńgege merdiger atanyp, kúrdeli jóndeý jumystary 2 qyrkúıek kúni bastalypty.

Al aýyl turǵyny Gaýhar Aıtımova: «2022 jyl Balalar jyly ekeni jyl basynan belgili. Sony bile tura oblys basshylary qarajat bólýde nege oılanbaǵan? Satyp alý konkýrs merzimi de kesh belgi­lengen. Bastalǵan jumys ha­lyqtyń narazylyǵyna tap bolary sózsiz edi ǵoı. Bul – ba­lalardyń sapaly bilim alýyna nemquraıly qaraýshylyq», dep biledi. Sondaı-aq Gaýhardyń mekteptiń ýaqytsha jabylýyna baılanysty úsh inisi Balalar shyǵarmashylyq ortalyǵy, №8 Moıynqum kolledji jáne О́ner mektebine qatynap oqı­dy. Alystan qatynap oqý birin­shiden ýaqyt, ekinshiden jol-pul jaǵynan da jeńil tımeıdi. Qo­ǵamdyq kólik ýaqyty da saı kele bermeıdi. Kesh bastalǵan kúrdeli jóndeý jumystyń biter kúni de belgisiz.

Al aýyl belsendisi Qanat Kósherbaev: «Bir úıde úsh-tórt balasy barlar úshin alystan qatynap oqý tym qıyn. Qo­ǵamdyq kólik bar bolǵanymen, syıym­dylyǵy az ári sırek júredi. Mektepke kúr­deli jón­deý jumystaryn jańa oqý jylynda júrgizý ne ádet? Aýyl tur­ǵyndary buǵan túbegeıli qarsymyz», deıdi.

Balany taksımen tasýǵa qa­ra­jat qajet. Bir otbasynda eki aýysymmen oqıtyn balalar bar. Ásirese jumyssyz, aılyqsyz júr­genderdiń jaıy ne bolmaq? Jón­deý jumystaryn kelesi jazǵy demalysqa qaldyrýǵa bolma­dy ma? Bólingen qarjyny ıgerý úshin jóndeý jumystary jal­ǵasa bere me? Balalardy bilim berý mekemelerine tasy­maldaı­tyn qosymsha kólikter qarastyryla ma, ol kólikter buzylǵan jaǵdaıda ne isteımiz? Jaýapsyzdyqqa kim jaýapty? Moıynqumdyqtardyń sanasyn san-saqqa júgirtken saýaldar, mine, osy. El kókeıindegi saýal­darǵa jaýap izdep kórgen edik.

Jambyl oblysy ákimdiginiń bilim basqarmasy: «Moıynqum aýyly «Aýyl – el besigi» baǵdar­lamasyna engen. Osyǵan oraı, kúrdeli jóndeý jumystary 2022 jylǵa josparlandy. T.Rys­­qulov orta mektebiniń kúr­­deli jóndeý jumystarynyń qar­jysy osy jyldyń maýsym aıynda bólindi. Sonymen qa­tar, memlekettik satyp alý konkýrsynyń rásimdeý ju­mys­­taryna sáıkes, bıyl ta­myz aıynyń sońynda konkýrs nátıjesi belgili boldy. Jón­deý jumystaryn aǵymdaǵy jyly aıaqtaý josparlanýda» dep sen­diredi.

Iá, avtobýsta oryndyq az, oqýshy kóp. Ár ýaqytta oqıtyn ár balany qoǵamdyq kólikpen tasyp úlgerý múmkin emes. Jol júrý baǵasy qoljetimdi bola ma degen suraq taǵy bar. Kúrdeli jóndeý jumystarynyń tapsyrys berýshisi, ıaǵnı aýdandyq bilim bóliminiń basshysy Jaı­dar Jazyqbaev, bólim tarapynan búginde avtobýs tasymaly uıym­dastyrylǵanyn (avtobýs mar­kasy PAZ 32053/052-001) jáne oqýshylar oqýyn qaýipsiz jalǵas­tyryp jatqanyn aıtady.

«Memlekettik satyp alý pro­­sesin júrgizý óte qıyn. Kon­kýrsqa birneshe fırma túse­di, túrli kelispeýshilik bolady. So­dan konkýrs qaıta oına­tylyp, qory­tyndysy kesh shyq­ty. Qa­rajat bólin­gen soń ıgerý kerek. Mektepke qaı­ta-qaıta qar­jy qarala bermeıdi. Túsinip otyr­myz, qatynaý qıyn. Al­ǵa­shynda qıyn bolǵanymen bári ýaqytpen retteledi. Aýdan ákim­digin­degi basshylarmen kelise otyryp, avtobýstyń kestesin qa­rap, qo­­symsha marshrýt engizdik. Qan­­shama jyldan beri atalǵan mektepti kúrdeli jóndeýden ót­kizýge áreń qol jetkizdik. Bir jón­detip alsaq, kóptegen másele sheshimin tabady. Balalarymyz zamanaýı mektepte oqıtyn bolady», dep túsinistikpen qa­raý­ǵa shaqyrady.

2010 jyly aýdan ortaly­ǵyn­daǵy Jambyl mektep-gım­na­zııasynda júrgizilgen kúr­deli jóndeý jumystary da shala bitipti. Bul týraly atal­ǵan mek­tep-gımna­zııasynyń muǵa­li­mi Svetlana Aı­kenova santeh­nı­kalyq jumys­tar­dyń durys at­qarylma­ǵa­nyn, kabınetterdiń jaraqtan­dy­rylýynda kiltıpan bar ekenin jetkizdi. Sondyqtan mezgilsiz bastalǵan T.Rysqulov mektebi qurylysynyń eń bas­tysy sapaly bolýyn tilep otyr­ǵandar da bar.

Ýálıhan JAILAÝ

Jambyl oblysy