JASTAR JARQYRAI KО́RINGEN TÝRNIR

Aqtóbe qalasyndaǵy “Qonys” sport saraıy tórt kún boıy boks spektakliniń arenasyna aı­nal­dy.  Sebebi, munda Olımpııa oıyndarynyń kúmis júldegeri, Álem kýbogynyń eki dúrkin ıegeri, eki márte Eýropa chempıony, KSRO-ǵa eńbek sińirgen sport sheberi Serik Qo­naq­baev­tyń júldesi úshin bokstan XVIII ha­lyq­aralyq týr­nır ótti. Qazaqstan, Reseı, AQSh, Tájikstan, Armenııa, Túrkimenstan, О́zbekstan, Ýkraınadan, sondaı-aq elimizdiń barlyq oblystarynan 140-qa jýyq bylǵary qolǵap sheberi arasynda ótken tartysty kezdesýlerde oza shyqqan 11 salmaqtaǵy 22 boksshy fınalǵa joldama aldy. Bylǵary qolǵap she­berleriniń aqtyq syndaryn tamashalaýǵa jan­kúıerler kóp jınaldy. Fınaldyq kezdesýler shymyldyǵyn ashqan 48 kılogramm salmaq dárejesindegi aqtóbelik Aqnıet Bekjanov pen aqmolalyq Temirtas Júsipov ara­syn­daǵy jekpe-jek tartysty ótti. О́ziniń qar­sy­lasynan tájirıbelileý Temirtas Júsipov 3:2 ese­bimen jeńiske jetti. Sport sheberliginen úmitker on segiz jasar Qaırat Tórebekuly jerlesiniń ese­sin qaıtaryp, 51 kılogramda astanalyq Azat Mah­metovten basym tústi. 54 kılogramm salmaq dáre­jesinde Astana qalasynyń boksshysy, sport sheberi Danııar Toqbaevty elimizdiń qurama ko­man­dasynyń múshesi Temirbek Dıhanbaev bir upaı aıyr­ma­shy­lyǵymen utty. 57 kılogramm salmaq dá­re­je­sinde aqtóbelik Mádı Sholaqov jer­les­teriniń me­reıin ústem etip, Aqmola obl­y­sy­nyń boks­shysy Jandos Momynovty 4:1 esebimen jeńdi. 60 kılogramm salmaqta synǵa túsken Qazaqstan qurama komandasynyń múshesi Aıdar О́mirzaqov pen aqtóbelik Berik Abdrahmanov arasyndaǵy kez­de­sýdiń tartysty ótkeni sondaı, sońǵy sátterge deıin jeńis tizginin kim ustaıtyny belgisiz boldy. Bul joly qarsylasyna bir soqqy artyq darytqan A.О́mirzaqov basymdyq tanytty. 64 kılogramm sal­maqta óner kórsetken semeılik boksshy A.Qasymov qar­sylasynyń jaraqat alyp qalýyna baılanysty báıgeni shappaı aldy. 69 kılogramm salmaq dárejesinde synǵa túsken reseılik Muqametqalı Musaev pen AQSh-tyń bylǵary qolǵap sheberi Djerı Fıorentıno ádemi boks kórsetti. О́z eliniń bıylǵy birinshiliginde júldegerler qatarynan kóringen reseılik boksshy osal qarsylas bolmaı shyqty. Ol D.Fıorentınanyń qansha qarsy­las­qanyna qaramastan, úzdiksiz shabýyldap, jeńiske jetti. 75 kılogramm salmaq dárejesinde aqtóbelik Rafaıl Abbasov elimiz qurama komandasynyń mú­­shesi Nurdáýlet Jarmanovpen kezdesti. N.Jar­ma­nov eli­miz­diń qurama komandasyna be­kerden-beker qabyl­dan­baǵanyn aıqyn dá­lel­dedi, 15:4 esebimen jeńip, qar­sylasynan kósh ilgeri ekenin baıqatty. 81 kılogramm salmaqta Tájikstan qurama koman­d­a­­synyń úkilep qosqan úmitkeri Deleberjan Abdýrahmanov Aqmola ob­lysynyń boksshysy Mádı Qabıevtiń sheberligin mo­ıyndaýyna týra keldi. Al, 91 kılogramm salmaqta al­matylyq Nurjan Bekzatov pen Pavlodar boksynyń tú­l­egi Sergeı Goncharov qolǵap túıistirdi. Bul kezdesý upaı sanymen teń aıaqtalǵanymen, N. Bekzatovtyń sál belsendilik kórsetýi tarazy basyn ózine aýdaryp áketti. Ol týrnır jeńimpazy atandy. Týrnırdiń ashqan jańa esimi – ol 91 kı­lo­gram­nan joǵary salmaqta synǵa túsken atyraýlyq Rahman Áljanov boldy desek, artyq aıtqandyq emes. Shırek fınalda belgili bylǵary qolǵap sheberi Rýslan Irgebaevtyń jolyn kesken on segiz jasar boksshynyń rıngti sezinýi kórermender kóńilinen shyqty. Qazaqstan qurama komandasynyń múshesi, on toǵyz jastaǵy Aıdar О́mirzaqov Serik Qonaq­baev­tyń júldesi úshin ótken HVIII halyqaralyq týrnırdiń eń úzdik boksshysy atandy. Týrnırde birinshi oryn alǵan boksshyǵa 4 myń, ekinshi orynǵa 3 myń jáne úshinshi oryn alǵandardyń ár­qaısysyna 1,5 myń AQSh dollary kóleminde aqshalaı syılyq usynyldy. Bul jastar jarqyraı kóringen jarys boldy. Sheberligin álem moıyndaǵan ataqty bylǵary qolǵap sheberi, Parlament Májilisiniń depýtaty Serik Qonaqbaev týrnırdiń uıymdastyrylýyna joǵary baǵa berdi. Sonymen, tórt kún boıy jankúıerler kóńilin kúpti etken jarys máresine jetti. Aqtóbelikter elimizde táp-táýir jas boksshylar ósip kele jatqanyn kórdi. Satybaldy SÁÝIRBAI, AQTО́BE.