Reseı Ulybrıtanııa patshaıymyn sońǵy saparǵa shyǵaryp salýǵa qatyspaıdy. О́ıtkeni el prezıdenti men Kreml ókilderi patshaıymmen qoshtasý rásimine shaqyrylmaǵan, dep habarlaıdy Egemen.kz.
Ulybrıtanııa úkimetiniń derekkózderi mundaı qadamdy Londonnyń Reseı men onyń odaqtasy Belarýs elin Ýkraına jerindegi qaqtyǵys úshin oqshaýlaýǵa degen umtylysymen baılanystyryp otyr.
Dese de, Vladımır Pýtın buǵan deıin II Elızavanyń qaıtys bolýyna baılanysty kóńil aıtyp, Ulybrıtanııa patshasy III Charlzge quttyqtaý hatyn da joldaǵan edi.
Sonymen qatar, Ulybrıtanııanyń sanksııasyna ushyrǵan Mıanma ókilderi de jerleý rásimine shaqyrylmaıdy.
Aıta keteıik, resmı derek boıynsha 19 qyrkúıekte ótetin jerleý rásimine álem elderiniń 500-den astam ókilderi shaqyrylǵan. Rásimge AQSh basshysy Djo Baıden, Eýropalyq Odaqtyń ujymdyq organdarynyń basshylyǵy jáne eýropa memleketteriniń kóshbasshylary qatysady dep kútilýde.
Nazerke DÚKENBAI