Qazaqstanda azamattarǵa dinı senim quqyqtaryna baılanysty zaıyrly nemese dinı bilim alýlaryna jan-jaqty múmkindikter jasalǵan. Memlekettik bilim berý baǵdarlamasynda jastarǵa bilim berý sapasyn arttyrýǵa arnalǵan qolaıly baǵyttary aıqyndalǵan. Dinı bilim alýǵa nıet bildirgen jastarymyzdy dinı adasýshylyq pen radıkalızmnen saqtandyrý maqsatynda birneshe sanattaǵy orta, joǵary jáne joǵary bilimnen keıingi bilim baǵdarlamalary qarastyrylǵan.
Qazirgi tańda álemniń túkpirindegi jáne Taıaý Shyǵys pen Aýǵanstan aımaǵyndaǵy dinı ahýaldyń kúrdelenýine baılanysty azamattarymyzdy sheteldegi teologııalyq oqý oryndaryna baryp bilim alýlary belgili bir dárejede qaýipti bolýy múmkin.
Elimizdegi teologııalyq bilim alýdyń sýbektisi retinde Nur-Múbarak ýnıversıtetinde «Islamtaný», «Teologııa» mamandyqtary boıynsha bakalavr, magıstratýra, doktorantýra sanattarymen oqý baǵdarlamasy bar. Nur-Múbarak ýnıversıteti 2001 jyly Qazaqstan men Mysyr memleketteri arasyndaǵy resmı kelisim arqyly ashylǵan Ortalyq Azııadaǵy eń úlken joǵary oqý orny bolyp sanalady. Ýnıversıtettiń akademııalyq jumysynda Mysyrdaǵy áıgili Ál-Azhar ýnıversıtetiniń professorlyq-oqytýshylyq quramyndaǵy mamandar dárister júrgizedi, osyndaı basymdyqtar arqyly ıslam dininiń bilim, ǵylym áleýetin otandyq jáne sheteldik mamandardan alýǵa bolatyn múmkindikteri tıimdi uıymdastyrylǵan.
Sonymen qatar bilimdi zaıyrly ustanymdarmen ushtasqan bilim berý baǵdarlamasy Ál-Farabı atyndaǵy Qazaq ulttyq ýnıversıtetiniń fılosofııa jáne saıasattaný fakýltetinde dintaný jáne mádenıettaný kafedrasynda «Islamtaný» mamandyǵy bakalavr, magıstratýra, doktorantýra sanattary boıynsha mamandardy daıarlaıdy. Ál-Farabı babamyzdyń tanymy úlken murasy arqyly qalyptasqan dinı bilim qaınaryn otandyq joǵary oqý oryndarynan qarastyrý – qazirgi mektep túlekterine baǵdar.
Almasbek ShAǴYRBAI,
Fılosofııa, saıasattaný jáne dintaný ınstıtýty dintaný ortalyǵynyń dırektory