Shvesııa premer-mınıstri Magdalena Andersson 11 qyrkúıekte ótken parlamenttik saılaýdan keıin otstavkaǵa ketetinin málimdedi, dep habarlaıdy Egemen.kz
Magdalena Andersson Shvesııada ótken parlamenttik saılaýda jeńilgenin moıyndady. Aldyn ala málimetter boıynsha, ońshyldar parlamenttegi 349 orynnyń 176-syna, al ortalyq-solshyldar 173 orynǵa ıe boldy.
Ol búgingi baspasóz máslıhatynda premer-mınıstr qyzmetinen ketetinin jáne jańa úkimette oppozısııadaǵy sosıal-demokrattardy basqaratynyn aıtty. Jańa úkimetti qurý kezinde Andersson ýaqytsha mınıstrler kabınetin basqarady.
DW basylymynyń habarlaýynsha, onyń ornyna Ýlf Krıstersson kelýi múmkin. Ol qazirdiń ózinde jańa úkimetti qurýǵa kirisetinin málimdep otyr.