Ujymdyq qaýipsizdik týraly shart uıymy Qyrǵyzstan men Tájikstan arasyndaǵy kelissózderdiń bastalýyn quptap, janjaldy beıbit jolmen retteýge shaqyrdy, dep habarlaıdy Egemen.kz.
«Osy kúrdeli shekaralyq máseleni sheshý, shıelenisti azaıtý jáne ýshyǵýdyń aldyn alý úshin ózara qolaıly joldar tabylatynyna senimdimiz. Biz kúsh qoldanýdy qolaısyz dep sanaımyz», delingen UQShU Hatshylyǵynyń habarlamasynda.
Uıym jaǵdaıdy muqııat qadaǵalap otyrǵandaryn jetkizdi.
«Janjaldy tek kelissózder ústelinde sheshý kerek, adamdardyń ólimine jol bermeý kerek», delingen habarlamada.
Eske sala ketsek, qarýly qaqtyǵys 14 qyrkúıekte Batken aýdanynyń Bulaq-Bashı degen jerinde bastaldy.
16 qyrkúıekte ShYU sammıtinde Qyrǵyzstan prezıdenti Sadyr Japarov pen Tájikstan prezıdenti Emomalı Rahmon eki eldiń shekarasynda atysty toqtatýǵa kelisti.
Biraq keshke tájik tarapy shartty buzyp, Leılek aýdanynyń Kýlýndý jáne jańa-Jer eldi mekenderindegi qyrǵyz shekarashylarynyń pozısııalary boıynsha oq jaýdyrdy.