Premer-Mınıstrdiń orynbasary – Qarjy mınıstri Erulan Jamaýbaev kásipkerlik qyzmetti «taza paraqtan» retteýdi engizý, kásipkerlik sýbektileriniń qyzmetin memlekettik baqylaý jáne qadaǵalaý júıesin avtomattandyrý, kólik salasyndaǵy bıznestiń problemalyq máseleleri boıynsha keńes ótkizdi.
Otyrys barysynda Ulttyq ekonomıka mınıstrliginiń ókili kásipkerlik qyzmet salasyndaǵy jańa retteý saıasatyn iske asyrý barysy týraly baıandady.
Sıfrlyq damý, ınnovasııalar jáne aeroǵarysh ónerkásibi mınıstrligi táýekelderdi baǵalaý krıterııleri men matrısasyn ázirleýdi eskere otyryp, memlekettik baqylaý júıesin avtomattandyrýǵa qatysty atqarylyp jatqan jumystar jaıly habarlady. Sondaı-aq kólik salasyndaǵy túıtkildi problemalar talqylandy.
Talqylaýdy qorytyndylaı kele, Premer-Mınıstrdiń orynbasary – Qarjy mınıstri Erulan Jamaýbaev múddeli memlekettik organdarǵa josparǵa sáıkes retteý aktilerin taldaýdy aıaqtaýdy, táýekel dárejesin baǵalaý ólshemsharttaryn jáne salalyq táýekelder matrısasyn ázirleý boıynsha jumysty jedeldetýdi jáne kólik salasyndaǵy bıznes ókilderi kótergen problemalyq máselelerdi qaraýdy, olardy sheshý joldaryn tabýdy tapsyrdy.