Sýdıa Nurlan Baıahmetovtiń úkimimen Qaırat Satybaldy 6 jylǵa bas bostandyǵynan aıyryldy, dep habarlaıdy Egemen.kz.
Sot úkimi boıynsha Qaırat Satybaldynyń dúnıe-múlki tárkilenip, 6 jylǵa bas bostandyǵynan aıyryldy.
Aıta keteıik, Qaırat Satybaldyǵa qatysty is Astana qalasy Baıqońyr aýdandyq №2 sotynda qaralǵan.
Eske salsaq, tamyz aıynyń sońynda Antıkor Qaırat Satybaldy men basqa da tulǵalarǵa qatysty «Qazaqtelekom» AQ men «Kólikke qyzmet kórsetý ortalyǵy» AQ-nyń asa iri kólemde qarjy jymqyrý faktileri boıynsha sotqa deıingi tergeý júrgizip jatqany habarlanǵan.
Keıin Qaırat Satybaldy kinásin moıyndap, «Qazaqtelekomǵa» 12 mıllıard teńge óteıtin boldy. Sondaı-aq kúni keshe onyń asa senimdi adamy - 1983 jyly týǵan Qazaqstan azamaty Efendı Kemalǵa izdeý jarııalandy.