Ispanııanyń Jırona provınsııasynda (Katalonııa) jergilikti JOO kóshede júrgizgen ǵylymı tájirıbe kezinde jarylys bolyp, 18 adam, onyń ishinde on bala zardap shekti, dep habarlaıdy Egemen.kz.
Jergilikti joǵary oqý ornynyń qyzmetkeri kóshede 300-ge jýyq adamnyń aldynda synaq júrgizdi. Atalǵan synaqtyń maqsaty suıyq azot pen ystyq sýdy bóshkege biriktirgende ne bolatynyn kórsetý boldy. Eksperımentke ǵalym men onyń kómekshisi qatysty, bireýi suıyqtyq quısa, ekinshisi metall barabandardy ustady. Birinshisi ydystarǵa sý men azot quıa bastaǵanda jarylys boldy.
Zardap shekkender kúıik almaǵan. Alaıda, jarylǵan metall kanıstrdiń synyqtarynan kóptegen adamdar zardap shekti. Bes jasar qyz aýyr jaraqat alyp, Jırona aýrýhanasyna jetkizildi. Ǵalymnyń kómekshisi de aýyr jaraqat aldy.