Elimizdiń Eńbek jáne halyqty áleýmettik qorǵaý mınıstri Tamara Dúısenova Qyrǵyz Respýblıkasynyń Qazaqstan Respýblıkasyndaǵy Tótenshe jáne О́kiletti elshisi Dastan Dıýshekeevpen kezdesý ótkizdi.
T.Dúısenova mınıstrliktiń aqparattyq júıeleri, múgedektigi bar adamdardy syrttaı kýálandyrýdy jáne Otbasynyń sıfrlyq kartasyn engizý, áleýmettik qoldaýdyń jańa sharalary jáne Áleýmettik kodeks jobasy sheńberinde kózdelgen jumyspen qamtý salasyndaǵy jańa saıasat týraly habardar etti.
Taraptar memlekettik kórsetiletin qyzmetterdi avtomattandyrý men sıfrlandyrý, Qazaqstandaǵy shetel azamattaryn jáne sheteldegi Qazaqstan azamattaryn jumyspen qamtý máselelerin talqylady.
D.Dıýshekeev Qazaqstannyń áleýmettik-eńbek salasyndaǵy memlekettik qyzmetterdi sıfrlandyrý jáne elektrondyq eńbek bırjasy bazasyndaǵy jumyspen qamtý qyzmetteriniń sýpermarketin qalyptastyrý jónindegi úzdik tájirıbesine qyzyǵýshylyq tanyt- ty.
Sonymen qatar mınıstr men Elshi eki el arasyndaǵy zeınetaqy jáne áleýmettik qamsyzdandyrý salasyndaǵy ózara is-qımyl máselesin qarastyrdy.