Damır Armanmen aıqasady

Arman Sarýkıan 1996 jyldyń 11 qazanynda Grýzııanyń Ahal­kalakı qalasynda dúnıege kelgen. Keıinnen ata-anasymen birge Reseıdiń Krasnodar ólkesine qonys aýdardy. Sol jaqta jú­rip erkin kúrespen aınalys­ty. Keıinnen pankratıon men grepplıngten Reseı chempıony atanyp, túrli halyqaralyq týrnırde top jardy. Azııa chempıony degen ataǵy da bar. Arman 2015 jyldan beri aralas jekpe-jekten jarystarǵa shyǵyp, eleýli tabystarǵa qol jetkizdi. Sol aralyqta 21 kezdesý ótkizip, 18 ret jeńis toıy­n toılady. 12 básekede aıqyn basymdyq tanytty. Sarýkıan úsh ret jeńi­listiń kermek dámin tatty. О́zi­niń sporttyq karerasyn bastaǵanda Aleksandr Be­lyhtan utylsa, 2019 jyly UFC-degi tusaýkeser kezde­sýinde Islam Mahachevke upaı sanymen ese jiberdi. Bıylǵy jazda polshalyq Mateýsh Gam­brotqa jol berdi.

Damır Ismaǵulov 1991 jyl­­dyń 3 aqpanynda Reseı­diń Orynbor oblysynda týǵan. 2014 jyldan beri aralas jekpe-jekti serik etken ol 25 kezdesýdiń tek bireýinde ǵana utyldy. 2015 jyldyń kúzinde qandasymyz Nazranda jergilikti sportshy Ramazan Esebaevqa ese jiberdi. Odan keıin qatarynan 19 básekede basym tústi. 13 kezdesýde aı­qyn basymdyq tanytty. Re­seıdiń M-1 nus­qasy boıynsha chempıondyq belbeýdi ıelendi. Al UFC-de Is­maǵulov bes ret oktagonǵa shyǵyp, barlyǵynda jeńiske jetti.

Bir qyzyǵy, bul sport­shynyń ekeýiniń de menedjeri bir. Ol – qazaq jigiti Saıat Ab­drahmanov. BAQ ókilderine ber­gen suhbatynda: «Meniń faı­terlerim bir-birimen aıqas­qanyn áý bastan qalamaǵan edim. Osy oraıda ekeýin bettestirmeý úshin bar kúshimdi saldym. Biraq UFC basshylyǵy ózderiniń kesimdi sózderin aıtyp, bul áńgi­mege núkte qoıdy. Onyń ústine, qazir Damırge de, Armanǵa da she­giner jol joq. Ekeýi de álem­dik reı­tıngte alǵa jyl­jyǵysy keledi. Sondyqtan da olar óz kelisimderin berdi», dep Saıat joǵarydaǵy jekpe-jekke baılanysty óz pikirin bildirdi.

Qazirgi kezde Damır Is­ma­ǵulov jeńil salmaq­tylardyń reıtınginde 12-orynda tursa, Arman Sarýkıan úzdik ondyqty túıindeýde. Al TOP-10 faı­ter­diń qataryna Charlz Olı­veıra (Brazılııa), Dastın Pore (AQSh), Djastın Getjı (AQSh), Islam Mahachev (Reseı), Maıkl Chendler (AQSh), Beneıl Darıýsh (AQSh), Rafael Fı­zıev (Ázer­baıjan), Rafael dos Anos (Brazılııa) jáne Mateýsh Gamrot (Polsha) syn­dy sań­laqtar enip otyr. Al kezinde ataǵy jer jarǵan Irlandııanyń atyshýly sportshysy Konor Makgregor 11-oryn­dy en­shileýde.