Keshe Astanada Qazaqstan Respýblıkasyndaǵy adam quqyqtary jónindegi ýákil Asqar Shákirovtiń “Qazaqstan Respýblıkasy – Eýropa Odaǵy” Parlamenttik yntymaqtastyq komıtetiniń 9-shy otyrysynyń jumysyna qatysyp jatqan Paolo Bartolossı bastaǵan Eýroparlament delegasııasymen kezdesýi boldy.
A.Shákirov delegasııany óz jumysynyń negizgi baǵyttarymen tanystyryp, qazaqstandyq ombýdsmenniń qyzmetin retteıtin normatıvtik-quqyqtyq baza týraly aıtyp berdi.
Eýropa parlamentshileri adam men azamattyń quqyqtary men erkindikterin qorǵaý salasyndaǵy Qazaqstan saıasatyn joǵary baǵalady, sondaı-aq túrli salalardaǵy, sonyń ishinde quqyq qorǵaý qyzmetindegi Qazaqstan-Eýropa áriptestiginiń damý serpindiligin atap kórsetti.
* * *
Keshe A.Shákirov sondaı-aq Halyqaralyq túrme reformasy quqyq qorǵaý uıymynyń saıası máseleler jónindegi dırektory Merı Merfımen kezdesý ótkizdi.
Kezdesý barysynda taraptar bostandyqtan aıyrý oryndaryndaǵy júıeli, táýelsiz de tıimdi baqylaýǵa baǵyttalǵan jobany iske asyrýdyń qorytyndylaryn talqylady.