Qazaqstan fýtbol federasııasy men О́zbekstan fýtbol qaýymdastyǵy joldastyq oıyn ótkizý týraly kelisimge keldi, dep habarlaıdy Egemen.kz QFF-ǵa silteme jasap.
Match 2022 jyldyń 16 qarashasy kúni Tashkent qalasyndaǵy «Pahtakor» stadıonynda ótedi.
«О́zbekstan quramasy Eýro-2024 irikteý kezeńine daıyndyq úshin jaqsy qarsylas dep sanaımyn. Jattyqtyrýshylar shtaby úshin kóp málimet jınaýǵa múmkindik beredi. О́zbekstanda sapaly fýtbolshylar kóp. Sol sebepti, osy oıynda Eýropa chempıonatynyń aldaǵy irikteý kezeńinde úmit artatyn fýtbolshylardy bir tekserip alamyn dep oılaımyn. О́te qyzyqty oıyn bolady dep úmittenemin», dep pikir bildirdi Qazaqstan ulttyq quramasynyń bas bapkeri Magomed Adıev.
Buǵan deıin eki eldiń quramalary alty ret kezdesip, О́zbekstan eki ret, Qazaqstan bir ret jeńiske jetken bolatyn. Úsh oıyn teń aıaqtaldy.
FIFA reıtınginde О́zbekstan quramasy 77-orynda tur.