Qala mańyndaǵy qoqys jáne turmystyq qatty qaldyqtarǵa arnalǵan polıgonnyń ahýaly turǵyndardy alańdatyp otyr, dep habarlaıdy Egemen.kz.
Jergilikti halyq osy másele boıynsha Semeı qalasynyń ákimdigine júgingen. Olardyń aıtýynsha qala syrtynda ornalasqan polıgondaǵy qoqys jeldi kúni turǵyn-úıler men kóshelerge ushyp keledi. Osyǵan oraı qandaı shara qoldanylatyny jaıly ákimdiktiń baspasóz qyzmeti aqparat taratty.
«Polıgon aýmaǵynan tys jerge qoqys jelmen taralmas úshin qorshaý bıiktigin eki ese arttyra otyryp, bólingen ýchaskeniń aınalasyna torly qorshaý ornatylady», dep jazylǵan habarlamada.
Sonymen qatar qalanyń kvartalishilik aýmaqtarynan qatty turmystyq qaldyqty shyǵarý máselesin sheshý úshin qala ákimi N. Nursaǵatov konteınerlik alańdardy, jańa formattaǵy konteınerler sanyn ulǵaıtýdy tapsyrǵan.
Aıta keteıik, qalada qatty turmystyq qaldyqtardy shyǵarý úshin qosymsha tehnıka satyp alý qajettigi de bar.