21 Nazarbaev zııatkerlik mektebi men Qazaqstan boıynsha 7550 mekteptiń qarjylandyrylýy týraly aqparat jarııalandy, dep habarlaıdy Egemen.kz ranking.kz portalyna silteme jasap.
Elimizde 7550 qalalyq jáne aımaqtyq mektep bar. Olarǵa ortasha eseppen bıýdjetten 159 mıllıon teńge bólinedi (1 mektepke).
Sondaı-aq 21 arnaıy zııatkerlik mektepke memlekettik bıýdjetten 592,1 mln teńge beriledi. Qarjylyq jaǵynan aıyrmashylyq 3,7 eseni qurap otyr.
«Halyqaralyq zertteýler, sonyń ishinde PISA, oqýshylardyń úlgerimi men mektep quraldary arasyndaǵy baılanysty kórsetedi. Bul tusta aýyl mektepteri memleket tarapynan erekshe nazarǵa alynýy kerek. Búginde Qazaqstanda aýyl men qala mektepteriniń arasynda materıaldyq-tehnıkalyq bazasy jaǵynan úlken alshaqtyq bar», deıdi materıaldy usynǵan sarapshylar.
2022 jyly jarııalanǵan «Qazaqstan Respýblıkasy bilim berý júıesiniń statıstıkasy» ulttyq jınaǵynyń derekterine sáıkes, mektepterdiń jaǵdaıy:
25,4% mektepte sport zal múldem joq, al 10,2%-da sport kesheni beıimdelgen ǵımarattarda ornalasqan 13,6% mektepte kitaphana joq bolsa, 15% mektepte ashana joq.Sondaı-aq aýyl mektepterindegi pedagogıkalyq ujymnyń salystyrmaly túrde biliktilikteri tómen ekeni anyqtalǵan. Máselen, aýyldyq jerde joǵary sanatty muǵalimderdiń úlesi 18,5%-dy qurasa, bul kórsetkish qalada 31,2%-dy quraǵan.