Asanbaı Asqarov aǵamyzben kezdesýimiz az ǵana ýaqytqa sozylsa da, ol kisiniń boıyndaǵy bekzattyqty ózime úlgi etýge umtylyp kelemin.
2000 jyldar bolsa kerek. Ol kezde Jambyl oblysyna qarasty Merki aýdandyq aýrýhanasynda jumys isteımin. Aǵamyz Merkidegi sanatorııde demalýdy josparlaıdy. О́kinishke qaraı, jolda aǵamyz jol apatynan zardap shegip, men eńbek etetin emdeý mekemesine dereý jetkizilgen edi. Men kezekshi dárigermin. Aǵamyzdy shuǵyl rentgenge túsirdik. Asanbaı Asqarovtyń sol jaq ıyǵy synǵanyn anyqtadym. Em-shara bólmesinde ekeýmizdiń aramyzda mynadaı qysqa ǵana áńgime órbigen edi:
– Kimniń balasysyń? – dep surady Asanbaı aǵam.
– Meniń ákemdi tanymaısyz, aǵa. Men Kishi júzdiń balasymyn, – dep asyǵys jaýap berdim.
– Eh, osy qazaqty qurtqan júzge bóliný ǵoı. Men seniń ákeńniń atyn surap edim, sen júzińdi aıttyń, – dedi ol renjińkirep. – Nartáýekel, bastańdar operasııalaryńdy.
Birshama ýaqyttan keıin Asanbaı aǵamyz narkozdan oıandy. Qaıta rentgen jasaǵanymyzda synyp, qozǵalǵan súıek jabyq túrde ornyna túskenin kórdim. Bul ýaqytta aýdan ákimi men aımaqtyń birshama sheneýnigi aǵamyzdyń jaǵdaıyn bilý úshin dálizde taǵatsyzdana kútip turǵan edi. Arasynda quzyrly organ qyzmetkerleri de bar. Sonda aǵamnyń aıtqan sózderi áli kúnge deıin qulaǵymda jańǵyrady.
– Baqyt (aýdan ákimi), men mılısııańnyń bastyǵyn tanymaımyn. Meni soqqan qazaq jigiti, biraq ol sottalmasyn! Onsyz da túrmelerdi qazaqtar toltyryp jatyr. Mashına erteń daıyn bolsyn, men Almatyǵa jol júrýim kerek, – dep qysqa qaıyrdy.
Osy bir aýyz sózinen-aq aǵamyzdyń qandastaryna degen janashyrlyǵy men qamqorlyǵyn anyq baıqaýǵa bolatyn edi. О́ziniń ultjandy minezimen halyqtyń rızashylyǵyna bólengen azamat bolatyn.
Ádilbaı MEDETBAEV,
Qyzylorda oblystyq psıhıkalyq densaýlyq ortalyǵynyń dırektory