Respýblıka kúni ulttyq merekesi qarsańynda QR Premer-Mınıstri Álıhan Smaıylov QR Prezıdenti atynan memlekettik organdar men kompanııalardyń qyzmetkerlerine memlekettik nagradalar tabys etti, dep habarlaıdy Egemen.kz Úkimettiń baspasóz qyzmetine silteme jasap.
«Parasat» ordenimen ulttyq ekonomıka birinshi vıse-mınıstri Tımýr Jaqsylyqov pen Aqparat jáne qoǵamdyq damý vıse-mınıstri Serik Egizbaev marapattaldy.
«Qurmet» ordenimen ádilet mınıstri Qanat Mýsın, Mádenıet jáne sport vıse-mınıstri Erjan Erkinbaev, Saýda jáne ıntegrasııa vıse-mınıstri Qaırat Tórebaev, QR AShM Veterınarııalyq baqylaý jáne qadaǵalaý komıtetiniń tóraǵasy Asqar Jaqypbaev, QR TJM Memlekettik materıaldyq rezervter komıtetiniń tóraǵasy Saltanat Sabyrbaeva jáne t. b. marapattaldy.
«Eren eńbegi úshin» medalimen QR SDIAО́M Geodezııa jáne kartografııa komıtetiniń tóraǵasy Qajmuhan Bekmuqashev, QR Oqý-aǵartý mınıstrligi Orta bilim komıtetiniń tóraǵasy Gúlmıra Karımova, QR SDIAО́M Telekommýnıkasııalar komıtetiniń tóraǵasy Erjan Meıramov, QR EHÁQM kóshi-qon komıteti tóraǵasynyń orynbasary Erbolat Abýlhatın, QR MSM Sport jáne dene shynyqtyrý isteri komıteti tóraǵasynyń orynbasary Bekbolat Baıjanov, QR EGTRM Balyq sharýashylyǵy komıteti tóraǵasynyń orynbasary Aıan Bahııanov, QR AQDM Azamattyq qoǵam isteri komıteti tóraǵasynyń orynbasary Gúlbara Sultanova jáne t.b. marapattaldy.
«Shapaǵat» medali QR DSM Sanıtarlyq-epıdemıologııalyq baqylaý komıtetiniń tóraǵasy Nurqan Sádýaqasovqa tabys etildi.
QR SDIAО́M Telekommýnıkasııalar komıteti tóraǵasynyń orynbasary Jaqsylyq Ibragımov pen Premer-Mınıstr Keńsesiniń qyzmetkerleri: bas ınspektor Baqytjan Qýanyshbaev, bas konsýltant Madına Qalymova jáne bas sarapshy Gúlden Beısenbına, Qazaqstan Respýblıkasynyń Qurmet gramotasymen marapattaldy.
Premer-Mınıstr kásibı biliktiligi men mol tájirıbesin el ıgiligine arnap kele jatqan marapat ıeleriniń kúndelikti eńbeginiń mańyzdylyǵyn atap ótti.
«Respýblıka kúni – elimizdiń táýelsizdik jolyndaǵy tuńǵysh qadamy. Bul – halqymyz úshin azattyq pen turaqtylyqtyń, qoǵamdyq kelisim men ultaralyq tatýlyqtyń merekesi. Respýblıka kúni merekesi qarsańynda Prezıdenttiń atynan Sizderge memlekettik nagradalardy tapsyrý mindeti maǵan júkteldi. Búgingi marapatty Memleket basshysynyń Sizderdiń el aldyndaǵy eńbekterińizge degen joǵary senimi dep qabyldańyzdar», dedi Álıhan Smaıylov.