Integrasııalyq úderister údemeli damýda

Prezıdent janyndaǵy Ortalyq kom­mýnıkasııalar qyzmetinde ótken dástúrli brıfıngke Qostanaı oblysy ákiminiń orynbasary Murat Dáribaev kelip, aımaqtaǵy ıntegrasııa úderisteri jaıynda aıtyp berdi. «О́tken jyly oblystyń syrtqy saýda aınalymynyń kólemi 3,7 mıllıard dollardy qurady. Respýblıka kóleminde aımaqtyń ınvestısııalar úlesi 2,8 paıyzdy qurasa, bul rette syrtqy saýda balansynyń saldosy oń nátıjege ıe. Eksport ımporttan 1,6 ese asyp otyr», dedi Qostanaı oblysy ákiminiń orynbasary M.Dáribaev. 2013 jyly Keden odaǵy elderimen syrtqy saýda aınalymy 1,6 mıllıard AQSh dollaryn qurap, el óńirleri arasynda oblys altynshy oryndy ıelengen. Oblys aınalymynda Keden odaǵy elderiniń úlesi 42 paıyz bolǵan. Aımaqtyń KO elderimen taýar aınalymy qurylymynda eksporttyq jetkizýler 63 paıyzdy alsa, ımporttyq operasııalar – 37 paıyz. Keden odaǵy elderine eks­porttyń negizgi bap­tary temir keni ónimi men bıdaı bolyp ta­by­­lady. Jabdyqtar, kólik qural­dary, shınalar, turmystyq tehnıkalar, dári-dármekter, jı­­­hazdar men halyq tutynatyn ózge de taýarlar ımporttalady. KO elderi sheginde byltyr ob­­­lystyń Reseı Federasııasymen syrtqy saý­da aınalymy 1,5 mıllıard AQSh dollaryn quraǵan. 2013 jyly «Eýraz­Kaspıan­Stal» JShS Qos­­tanaı qalasynda usaq sortty qu­rylys bu­ıym­daryn shyǵarý zaýyty Reseı ınvestısııa­syn tartý esebinen iske qosylǵan. «Agromash Hol­dıng» «ESSIL KZS-760» astyq jáne «KSK-600-03» jemshóp jınaıtyn kombaın­da­ry aýylsharýashylyq tehnıkalaryn quras­ty­­rý boıynsha «Gomselmash» belarýstik ká­­sip­ornymen birlesip shy­ǵarý jónindegi má­se­lelerdi qaras­ty­rýda. Qazirgi tańda BK qu­rý boıynsha resmı qujattardy resim­deý júr­gizilýde. Sondaı-aq, jab­dyq­tar jetkizý týraly kelis­sóz­der júrgizý de nazarda tur. Ábdirahman QYDYRBEK, «Egemen Qazaqstan».