Almatyda 10-14 qazan aralyǵynda azamattardy «Almaty jastary» baǵdarlamasyna qatysý úshin qosymsha irikteý júrgizildi, dep habarlaıdy Egemen.kz qala ákimdiginiń baspasóz qyzmetine silteme jasap.
Aıta keteıik, qosymsha irikteýge baǵdarlamaǵa negizgi konkýrstyq irikteý kezeńinde ótinim bergen, alaıda, qujattary durys toltyrylmaǵan adamdar ǵana qatysty. О́tinishter men qujattardy qabyldaý qorytyndysy boıynsha 2135 qatysýshy óz ótinimderin redaksııalap, qujattaryn qaıta jańartty.
«Barlyq ótinishter men qujattardyń baǵdarlama talaptaryna sáıkestigi tekserildi. Iriktelgen qatysýshylar, rezervke engen jáne qabyldanbaǵan qatysýshylardyń tizimi www.almaty-zhastary.kz saıtynda ornalastyryldy. Iriktelgen 183 úmitkerge saıttaǵy jeke kabınetke «Otbasy bank» AQ tólem qabilettiligin rastaý úshin joldama berildi», delingen habarlamada.
Ákimdik málimetinshe, «Almaty jastary» baǵdarlamasy boıynsha keminde 1000 nesıe berý josparlanǵan. Búginde baǵdarlama aıasynda 829 adam baspanaly boldy.