Qazaqstan fýtbol federasııasynyń málimetinshe, fýtbolshynyń eki jyldyq dıskvalıfıkasııasy aıaqtalyp, kásipqoı komandamen jattyǵýdy jalǵastyrýǵa bolatyny týraly tıisti qujattar alyndy.
Aıta keteıik, Qazaqstan quramasynyń jattyqtyrýshylar shtaby bir aı boıy Baýyrjan Islamhanmen jumys júrgizip, onyń qorytyndysy boıynsha Almatyda bastalatyn jıynǵa shaqyrtý týraly sheshim qabyldady.
«Baýyrjan týraly kóp estigenmin. Onyń úlken talanty men mol tájirıbesi bar. Aldaǵy oqý-jattyǵý jıynynda onyń fızıkalyq daıyndyǵyn qaraǵym keledi. О́ıtkeni, eki jyldaı Islamhannyń oıyn tájirıbesi bolmady. Oqý-jattyǵý jıynynda onyń baby qandaı ekenin baıqap, aldaǵy oıyndarǵa qanshalyqty daıyn ekenin biletin bolamyz», deıdi Qazaqstan quramasynyń bas bapkeri Magomed Adıev.
Islamhan Qazaqstan quramasyna alǵash ret 2012 jyldyń 29 aqpanynda Latvııaǵa qarsy joldastyq oıynda alańǵa shyqty. Ulttyq quramanyń qatarynda 46 oıyn ótkizip, úsh gol soqqan.
Baýyrjan sońǵy ret Qazaqstan quramasynda 2020 jyldyń qyrkúıeginde Belarýs komandasyna qarsy oınady.