Apta boıy izdestirilgen Úshtóbelik jasóspirim tabylyp, úıine qaıtaryldy, dep habarlaıdy Egemen.kz.
Qaratal aýdany, Úshtóbe qalasynyń turǵyny polısııa bólimine 17 jastaǵy ulynyń iz-tússiz joǵalǵanyn habarlap júgingen. 7 qarasha kúni túsken aryzdan keıin, polısııa tez arada sotqa deıingi tergeý josparyn quryp, tártip saqshylary izdestirý jumysyn bastaıdy. Uıymdastyrylǵan jumystarǵa mektep muǵalimderi men eriktiler de atsalysqan.
Tekserý nátıjeleri Taldyqorǵan qalasyndaǵy beınebaqylaý kameralarynyń biri Nurálini túsirip alǵany anyqtaıdy. Sáıkesinshe Taldyqorǵan jáne Almaty qalalarynda izdestirý sharalaryn uıymdastyratyn birneshe izdeý toptary qurylypty. Sońǵy bes táýlik boıy toqtatylmaǵan izdeý jumystary nátıjesinde kámeletke tolmaǵan balanyń Almaty qalasynda ekenin anyqtalǵan. Polıseıler jasóspirimdi Úshtóbe qalasyna alyp keledi.
Qazir bala ata-anasyna qaıtaryldy. Jaǵdaıy qalypty.