QAZAQSTAN JEMQORLYQQA QARSY KÚRESTIŃ ALǴY ShEBINDE

Keshe Almatyda ótken TMD mem­leketteri Salyq (qarjy) tekserý organdary bas­shylary úılestirý keńesiniń  HII oty­rysyna qatysýshylar sybaılas jem­qorlyqqa qarsy bizdiń elimizdegi kúres tájirı­besin burynǵy keńestik keńistiktegi eń jaqsylardyń biri dep tanydy. Eki kúnge sozylatyn bul salıqaly forýmǵa Qazaq­stannyń, Reseıdiń, Ázirbaıjannyń, Arme­nııanyń, Belarýstiń, Qyrǵyzstannyń, Latvııanyń, Moldovanyń, Tájikstannyń, Ýkraına men Estonııanyń quqyq qorǵaý qyzmetteriniń ókilderi qatysýda. Qazaqstan Respýblıkasynyń Ekonomı­kalyq qylmysqa jáne sybaılas jemqor­lyqqa qarsy kúres agenttigi tóraǵasynyń orynbasary Andreı Lýkınniń sózine qaraǵanda, Qazaqstannyń Qarjy polısııasy akademııasy  sybaılas jemqorlyqpen, ekonomıkalyq jáne salyq qylmystarymen kúres jónindegi bólimsheler úshin bilikti kadrlar daıarlaý oraıyndaǵy bazalyq oqý ornyna aınalǵan. Munda qazirdiń ózinde Reseıden, Belarýstan, Qyrǵyzstannan, Moldova men Ýkraınadan kýrsanttar kelip tálim alyp ketken. Reseı Federasııasy ishki ister mı­nıstriniń orynbasary Evgenıı Shkolov qazaqstandyq qarjy polısııasynyń sy­baılas jemqorlyq pen ekonomıkalyq qyl­mystarǵa qarsy pármendi áreket etýdegi eleýli tabystaryn atap ótti. Onyń aı­týynsha, TMD elderiniń quqyq qorǵaý or­gan­dary Qazaqstan Respýblıkasynyń kó­leńkeli ekonomıka úlesin kemitý jónindegi ozyq tájirıbesin qabyldap alyp, kor­rý­psııaǵa qarsy monıtorıngtiń óńirlik tetikterin jasaýlary, lańkestikti qarjylandyrýǵa jáne aqshany jasyryp-jabýǵa qarsy kúrestegi is-qımyl birligin nyǵaıta túsýleri qajet. Qorǵanbek AMANJOL.