О́zi qyzmet kórsetetin termınal

iJan termınaldary arqyly FlyArystan tutynýshylary jyldam ári jaıly qyzmetter túrin ala alady. Atap aıtqanda, servıs reıske tirkeý, júkti ótkizý jáne ólsheý qyzmetterin júzege asyrady. Jolaýshylarǵa yńǵaıly jaǵdaı jasaý maqsatynda «Nur­sultan Nazarbaev halyqaralyq áýejaıynda» 8 termınal ornatyldy. Qazirgi kezeńde iJan termınaldary óz betimen tirkeýdi tek ishki reısterge usynady. Al keıinnen halyqaralyq reıster qosylmaq.

FlyArystan-nyń basqarýshy dırektory Edrıan Hamılton-Mannstyń aıtýynsha, osy taqy­lettes termınaldar Almaty áýe­ja­ıynda 21 qazannan bastap iske qosyldy. 10 kúnniń ishinde iJan servısiniń qyzmetin 2,5 myńnan astam adam paıdalanǵan. Sondaı-aq ol aldaǵy ýaqytta atalǵan ter­mı­naldar elimizdiń barlyq áýe­jaıynda ornatylatynyn jetkizdi.

«Búkil álemdegideı Qazaq­stan­­da áýe kóligi jolaýshylar legi­niń qarqyndy ósýi baıqalady. Osy­ǵan oraı áýejaıdaǵy qyzmet kórsetý ýaqtyly jáne jyldam ótýi asa mańyzdy. Qazirgi ýaqytta FlyArystan áýekompanııasy eli­miz­diń 13 áýejaıynan 26 ishki áýe baǵyty boıynsha apta­sy­na 207 reıs oryndaıdy. Son­dyq­­tan loýkoster ishki naryq­taǵy ta­sy­­maldaý kólemi men baǵ­­dar­­lar jelisi bo­ıynsha kósh­basshy bolyp sanalady. Al iJan termı­nal­darynyń iske qo­sylýy jolaý­shylarǵa kezeksiz, ózin­­dik jáne tez tirkelýge múm­kin­dik beredi», dep atap ótti Aza­mat­tyq avıasııa komıtetiniń tóraǵasy Talǵat Lastaev Astana áýeja­ıyn­da termınaldardy iske qosý rásiminde.

«Nursultan Nazarbaev ha­lyq­aralyq áýejaıy» AQ basqar­ma tór­aǵasy Dáýlet Hamzınniń aıtýyn­sha, iJan servısiniń kóme­gine barlyq jolaýshy jú­gine alady. Tirkeýden bólek, mun­da júkti ólsheý, arnaıy tań­ba­lanǵan qaǵazdar alý sııaqty ju­mystar iske asyrylady. Mu­nyń barlyǵy kezeksiz oryndalady. Bul jańashyldyq jolaý­shylardyń áýejaıǵa der kezinde kelýine, tirkeýdi ózdiginen ótýi­ne múmkindik bermek. iJan – qa­zaq­standyq avıasııa salasyn sıfr­landyrýdaǵy eleýli jańalyq dep aıtýǵa tolyq negiz bar. «Elorda áýejaıynda alǵash bolyp osyndaı ınnovasııalyq tájirıbeniń engizilgeni biz úshin aıtarlyqtaı oqıǵa», dedi ol.

Loýkoster óz jolaýshylaryna tanysý men beıimdelýge ýaqyt kerek ekenin eskere otyryp, olarǵa 2023 jyldyń qańtar aıyna deıin termınaldy qoldanýǵa aqysyz bonýs kezeńin usynady. Al odan keıin tirkeý áýejaı men iJan termınaly arqyly aqyly bolady.

Osy oraıda aıta keterligi, jolaý­shylar FlyArystan mo­bıl­dik qosymshasynda nemese FlyArystan.com saıtynda tirkeýdi te­gin aldyn ala óte alady.