Ekonomıkalyq shoǵyrlaný boıynsha Memlekettik qyzmettiń sapasy men qoljetimdiligin arttyrý úshin Básekelestikti qorǵaý jáne damytý agenttigi «Ulttyq aqparattyq tehnologııalar» AQ-men birlesip, «Ekonomıkalyq shoǵyrlanýǵa kelisim berý týraly ótinishterdi qaraý» memlekettik qyzmetin sıfrlandyrdy. Qazir bul onlaın formatta qoljetimdi. Budan bylaı qyzmet alýshy kelisimdi elektrondyq formatta alý týraly onlaın ótinish hatpen júgine alady. Bul óz kezeginde qaǵaz qujattardy almasýǵa tolyqtaı jol ashady.
Buryn bul qyzmet tek qujatty usynǵan kezde ǵana qaralatyn edi. Endi atalǵan memlekettik qyzmetti alýdy jeńildetý úshin «E-lısenzııalaý» memlekettik derekter bazasy» aqparattyq júıesiniń ishki portaly quryldy, onda azamattar qyzmet kórsetý týraly ótinishpen júginip, qajetti qujattardy onlaın formatta usyna alady.
О́tinishti alǵannan keıin BQDA mámileni Kásipkerlik kodeksiniń normalary aıasynda qaraıdy. Sondaı-aq memlekettik qyzmet kórsetý nátıjesi sol jerde, «E-lısenzııalaý» portalynda usynylady. Jyl basynan beri BQDA tarapyna qaraý týraly 75 ótinish kelip túsip, 43 ótinish berýshi kelisimin aldy.
Onlaın ótinishti https://elicense.kz/ silteme arqyly berýge bolady