2022 jylǵy 26 qarashada jańadan saılanǵan Qazaqstan Respýblıkasynyń Prezıdenti Qasym-Jomart Kemeluly Toqaevty ulyqtaý rásimi ótti. Bizdi, «Aýyl» partııasynyń múshelerin, barlyq aýyl turǵyndaryn, barsha qazaqstandyqtardy Memleket basshysynyń óz sózinde aýyl men aýyldyq aýmaqtardy damytý máselelerin birinshi kezekte atap ótkeni qýantty.
Kóp uzamaı Prezıdent «Qazaqstan Respýblıkasynyń aýyldyq aýmaqtaryn damytýdyń 2023-2027 jyldarǵa arnalǵan tujyrymdamasy týraly» alǵashqy Jarlyǵyna qol qoıdy. Osylaısha, Qasym-Jomart Kemeluly 2019 jyly usynǵan «Halyq únine qulaq asatyn memleket» tujyrymdamasyna óziniń adaldyǵyn taǵy da rastady.
О́tken prezıdenttik saılaýda «Aýyl» partııasynyń kandıdaty Jıgýlı Daırabaev ekinshi orynǵa ıe boldy. Biz, «Aýyl» partııasy da, bizdiń kandıdat ta saılaýǵa qatysý arqyly, saılaýshylar aldynda, buqaralyq aqparat quraldarynda, áleýmettik jelilerde aıtylǵan sózder arqyly aýyldaǵy jáne aýyl sharýashylyǵyndaǵy kúrdeli jaǵdaılarǵa jurtshylyqtyń nazaryn aýdarýǵa tyrystyq. Memleket basshysynyń aýyldy damytý máselesin birinshi orynǵa qoıýynda bizdiń «Aýyl» partııasynyń, kandıdatymyz Jıgýlı Daırabaevtyń da eńbegi bar dep sanaımyn.
Biz árqashan Qazaqstannyń barlyq áleýmettik-ekonomıkalyq máselelerin sheshýdiń kilti elimizdiń aýyl jáne aýyl sharýashylyǵy máselelerin sheshýde jatqanyn, aýyl máselelerin sheshsek qala máseleleri sheshiletinin aıttyq. Azyq-túlik baǵasynyń turaqty ósýi, jumyssyzdyq, halyq tabysynyń tómendigi, turǵyn úıge, qalalardaǵy balabaqshalarǵa sheksiz kezek – bulardyń barlyǵy aýyldyń máselesi sheshilgen ýaqytta sheshiledi.
Aýyldardaǵy ómirdiń jaqsarýy ǵana qaladaǵy, jalpy eldegi jaǵdaıdyń jaqsarýyna ákeledi. Eger aýyldaǵy jáne aýyl sharýashylyǵyndaǵy jaǵdaı nasharlaı berse, onda qaladaǵy jáne jalpy Qazaqstan boıynsha jaǵdaı da odan ári nasharlaıdy.
«Aýyl» partııasy árqashan aýyl men aýyl sharýashylyǵynyń damýyn bir-birinen bólek qarastyrýǵa bolmaıtynyna senimdi. О́ıtkeni olar sıam egizderi sııaqty. Al olardy bólýge tyrysý ekeýiniń de kúıreýine ákeledi. Ekinshiden, aýyl men aýyl sharýashylyǵynyń tabysty damýynyń negizi servıstik-tutyný kooperatıvteri bolý kerek.
Sonymen qatar mundaı kooperasııa tek jeke qosalqy sharýashylyqtarǵa ǵana qajet emes. Servıstik-tutyný kooperasııasy barlyq shaǵyn, orta, iri sharýa qojalyqtaryna, sondaı-aq aksıonerlik qoǵamdar nemese jaýapkershiligi shekteýli seriktestikter nemese óndiristik kooperatıvter dep bólip, olardyń mólsherine jáne olardyń uıymdyq-quqyqtyq nysanyna qaramastan barlyq aýyl sharýashylyǵy óndiristik zańdy tulǵalarǵa qajet.
Tóleýtaı RAHYMBEKOV,
«Aýyl» halyqtyq-demokratııalyq patrıottyq partııasy tóraǵasynyń birinshi orynbasary