Keshe Almatyda HVI Halyqaralyq «Eýrazııa» kınofestıvaliniń jabylý saltanaty ótti, dep habarlaıdy Egemen.kz.
О́tken aptada «Eýrazııa» kórermenderi men qatysýshylary 25 eldiń kınokartınalaryn tamashalady. Barlyq kórsetilimder anshlagpen ótti. Festıvaldiń túrli baǵdarlamalaryna elý fılm qatysqan, onyń úsheýi – álemdik premeralar – «Arý Elena», «Boran» jáne «Aýyl» fılmderi. Sondaı-aq «Meni Ivansyz jerlemeńder» fılminiń halyqaralyq premerasy ótti. Eki azııalyq premera boldy. Atap aıtqanda, «Mármárdaı sýyq» jáne «Qudaıdyń shaqyrýy» kartınalary. Sondaı-aq kórermender óz elderinen «Oskar» syılyǵyna usynylǵan tórt kartınany jáne «Azııa Oskarynyń» (Asia Pacific Screen Awards) ıegeri «Esimde» fılmin kórdi.
Festıval aıasynda sheberlik sabaqtary, qazaqstandyq rejısserlerdiń jańa fılmderiniń tusaýkeserin qamtyǵan work-in-progress baǵdarlamalary ótti. On tórt baspasóz konferensııasy jáne «Qazaq kınosyn damytý vektorlary» atty dóńgelek ústel uıymdastyryldy. Festıval qonaqtary taqyryptyq keshterge qatysty. Festıval tarıhynda tuńǵysh ret «Eýrazııa» televızııalyq kúndelikteri birden elimizdiń eki telearnasynda kórsetildi.
О́z kezeginde festıvaldiń qazylar alqasy kınokórsetilimderdi qorytyndylap, birneshe nomınasııalar boıynsha konkýrstyq baǵdarlamalardyń jeńimpazdaryn anyqtady:
Úzdik fılm – «Esimde» (rej. Aqtan Arym Qubat, Qyrǵyzstan)Úzdik rejısserlik jumys - Levan Kogýashvılı (Brighton 4th / «Braıton 4», Grýzııa).Úzdik rejısserlik jumys - Asıf Rýstamov («Mármardaı sýyq», Ázerbaıjan)Qazylar alqasynyń arnaıy syılyǵy - Kamara Kamalova («Tyǵyryq», О́zbekstan)Úzdik akter - Navıd Mohammadzade (Beyond the Wall / «Qabyrǵanyń artynda», Iran)Úzdik aktrısa - Shen Shı Iý (A Woman / «Áıel», Qytaı).Qazylar alqasynyń dıplomy - Qataı Daýlı, «Boran» (Qazaqstan) fılmindegi róli úshin. Qazylar alqasynyń dıplomy - «Meni Ivansyz jerlemeńder» fılmi (rej. Lıýbov Borısova, Saha Respýblıkasy).
Qazylar alqasynyń dıplomy - Il Boemo / «Il Boemo» fılmi (rej. Petr Vaslav, Chehııa).
Ulttyq baıqaý baǵdarlamasy:Úzdik fılm – «Qyzyl anar» (rej. Shárıpa Orazbaeva)Úzdik rejısserlik jumys – Serik Aprymov («Aýyl»).Qazylar alqasynyń arnaıy syılyǵy – «Otaý» (rej. Álisher Jádigerov).Úzdik akter - Álıhan Ábildın («Jazdyń sońy jaqynda»)Úzdik aktrısa - Olga Landına («Zere»).
Festıvalde sonymen qatar NETPAK (Azııa kınosyn ilgeriletýdiń halyqaralyq uıymy) qazylar alqasy jumys istedi, olar óz jeńimpazyn anyqtady – «Ot» (rej. Aıjan Qasymbek, Qazaqstan).
Esterińizge sala ketsek, festıvaldiń ashylý saltanatynda «Ortalyq Azııa kınematografynyń damýyna qosqan úlesi úshin» arnaıy júldesin ataqty ózbek rejısseri Alı Hamraev jeńip alǵan bolatyn, ol osy festıvalde halyqaralyq baıqaýdyń qazylar alqasyn basqardy. О́z kezeginde «Qazaq kınematografyna qosqan úlesi úshin» arnaıy syılyǵyn mádenıettanýshy jáne qoǵam qaıratkeri Murat Áýezov aldy. Saltanatty shara jeńimpaz fılmniń kórsetilimimen aıaqtaldy.