Aqtóbe oblysynda Iýbıleınoe ken ornyndaǵy shahtada 48 jastaǵy jumysshy qaıtys boldy, dep habarlaıdy Egemen.kz.
Tórt adamnan turatyn jumysker toby jerasty ken ornynda jumys júrgizdi. Marqum kabeldi jer astyna ornatqan. Kenet adamnyń ústinen kóp tonnalyq ekskavator ótip ketken. Jumysshy alǵan jaraqatynan oqıǵa ornynda kóz jumǵan..
Oqıǵa 20 jeltoqsanda Muǵaljar aýdanynda bolǵan. Marqum altyn óndirýshi kompanııanyń qyzmetkeri bolyp shyqty. Tótenshe jaǵdaıdan keıin jumysshyny jer astynan shyǵardy, biraq dárigerler onyń qaıtys bolǵanyn habarlady.
Júrgizýshi polısııaǵa túsinikteme berdi. Onyń aıtýynsha, ol qarańǵyda adamnyń sulbasyn baıqamaǵan.
Qaıǵyly oqıǵanyń barlyq mán-jaıyn arnaıy komıssııa zerttep jatyr.
«Ekskavator júrgizýshisi jumysshylardy kórmeı, energetıkti qaǵyp ketken. Ol jábirlenýshini shómishpen basqan. Jumysshy topyraq pen shelektiń arasynda qaldy», dedi Aqtóbe oblysy boıynsha eńbek ınspeksııasy jónindegi basqarmasynyń basshysy Qýanysh Qamıev.