Ázerbaıjan astanasy Bakýde ótken SAF-2022 robottehnıka festıvalinde Qazaqstan oqýshylary jeńis tuǵyrynan kórindi. Súıinshi habardy Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın jetkizdi.
Aýqymdy festıvalǵa Ázerbaıjan, Túrikmenstan, Estonııa, Shvesııa, Ulybrıtanııa, О́zbekstan, Túrkııa jáne Qazaqstannan 350 komanda qatysqan. Otandastarymyz túrli marapattar men júldeli oryndarǵa ıe boldy.
«Halyqaralyq baqylaýshylar komandalardyń óner kórsetý deńgeıin joǵary baǵalady. Otandastarymyz Vex Robotics Competition salasy boıynsha ótken básekede basymdyq tanytyp, negizgi 7 kýbokti jeńip aldy. Jasóspirimder sanatynda 1729X NEW EMPIRE komandasy birlesken jarysta 2-oryndy, al jeke saıysta 3-oryndy ıelendi. 1729K LSF jasóspirimder toby komandalyq jumysta 3-orynǵa, jeke jarysta 2-orynǵa turaqtady», dep jazdy mınıstr óziniń telegram kanalyna.
Jarystyń sheshýshi kezeńderine qazaqstandyq 3 komanda qatysyp, barlyǵy da márege jetken. Joǵary synyp oqýshylary komandalyq jáne jeke sanattaǵy básekede birinshi orynǵa ıe boldy.
«Balalardy álemdik jarysqa daıyndaýǵa qoldaý kórsetken Satbayev University men Halyqaralyq robottehnıka akademııasyna alǵysymdy bildiremin», dedi B.Mýsın.