IBF Halyqaralyq boks federasııasy barlyq salmaq dárejesindegi boksshylardyń reıtıngin jańartty, dep habarlaıdy Egemen.kz Sports.kz-ke silteme jasap.
Reıtıngtiń jańarǵan nusqasyna qazaqstandyq boksshylar da endi.
Máselen, birinshi aýyr dıvızıonda Serik Mýsadılov 15-shi qatardan kórindi. Kóshbasshylar úshtigine polıak Mateýsh Masternak, brıtandyq boksshy Rıchard Rıakpore jáne onyń jerlesi Krıs Bıllam-Smıt kirdi. Bul salmaqta avstralııalyq Djeı Opetaıa IBF álem chempıony atandy.
Ekinshi orta salmaqtaǵy reıtıngte taǵy bir qazaqstandyq boksshy Álı Ahmedov altynshy ornyn saqtap qaldy. Birinshi oryndy brıtandyq Ýılıam Skall, ekinshi oryndy reseılik Vladımır Shıshkın, úshinshi oryndy amerıkalyq Kaleb Plant ıelendi. Chempıondyq ataq meksıkalyq Saýl «Kanelo» Alvareske tıesili.
Gennadıı Golovkın chempıon bolyp sanalatyn orta sanatta Meıirim Nursultanov jetinshi qatarda qaldy. Reıtıngte brazılııalyq Eskıva Falkao top jardy, odan keıin avstralııalyq Maıkl Zerafa men ıtalıandyq Vınchenso Gýaltıerı tur.
Ekinshi jartylaı jeńil dıvızıonda qazaqstandyq Sultan Zaýrbek 14-shi oryndy ıelendi. Bul salmaqtaǵy álem chempıony - Tájikstannan kelgen Shavkat Rahımov, al brıtandyq Djozef Kordınaǵa úshinshi oryn buıyrdy.