QR Parlamenti Senatynyń depýtaty Olga Býlavkına Úlbi metallýrgııa zaýytynyń jáne «SES О́skemen AES» JShS qyzmetkerlerimen kezdesti, dep habarlaıdy Egemen.kz Parlament Senatynyń baspasóz qyzmetine silteme jasap.
Senator Palatanyń zań shyǵarý qyzmeti, qazaqstandyqtardy áleýmettik qorǵaýdy kúsheıtý, elimizdi ekonomıkalyq damytýǵa baǵyttalǵan zańdar jáne azamattardyń ál-aýqatyn arttyrý jónindegi keshendi sharalardy zańnamalyq turǵyda ýaqtyly qamtamasyz etý týraly jerlesterine aıtyp berdi.
Kezdesýge qatysýshylar lastaýshy zattardyń shyǵaryndysyna oń yqpal etetin zamanaýı tehnologııalardy kásiporyndarǵa engizý men ekologııalyq qaýipsizdiktiń ózekti máselelerin de talqylady.
Sondaı-aq Olga Býlavkına Dáýlet Serikbaev atyndaǵy Shyǵys Qazaqstan tehnıkalyq ýnıversıtetinde bolyp, ekologııalyq qaýipsizdik máseleleri týraly dóńgelek ústel ótkizdi. Otyrysqa qatysýshylar atmosfera aýasynyń lastanýy men resýrs únemdeýdiń qoljetimdi tehnologııalaryn engizý máselelerine jan-jaqty toqtaldy.