Qazaqstan stýdentter quramasy AQSh-ta ótetin HHHI Dúnıejúzilik qysqy Ýnıversıadada óner kórsetedi. Saltanatty ashylý rásimi búgin «Olympic Center» alańynda ótedi. Sporttyq jarys 2023 jyldyń 22 qańtaryna deıin jalǵasady, dep habarlaıdy Egemen.kz Ǵylym jáne joǵary bilim mınıstrligine silteme jasap.
FISU Dúnıejúzilik stýdenttik oıyndar dep atalatyn Ýnıversıada Olımpıada oıyndarynan keıingi eń iri doda sanalady. Qysqy Ýnıversıadaǵa álemniń 50 elinen kelgen stýdentter qatysady.
Qazaqstan namysyn sporttyń on túrinen 78 sportshy qorǵaıdy. Stýdentter bıatlon, snoýbord, shańǵy, taý shańǵysy, short-trek, mánerlep syrǵanaý, shańǵy qossaıysy, konkı, shańǵymen tramplınnen sekirý jáne shaıbaly hokkeı sekildi sport túrlerinen baq synaıdy.