Pavlodar qalasynyń mamandandyrylǵan ákimshilik sotynda Pavlodar oblysy ishki ister departamentiniń burynǵy basshysy Nurlan Másimovke qatysty isterdi qaraý toqtatyldy, dep habarlaıdy Egemen.kz.
Pavlodar qalasynyń mamandandyrylǵan ákimshilik sotynda Nurlan Másimovke qatysty materıaldar qaralyp jatyr. Pavlodar oblysy polısııa departamentiniń eks-basshysy qazir sybaılas jemqorlyq isi boıynsha sot úkimin kútip, tergeý ızolıatorynda jatyr.
Ol sondaı-aq Ákimshilik quqyq buzýshylyq týraly kodekstiń 234-1-baby boıynsha túsken eki is boıynsha ótetin ákimshilik sot otyrysyna qatysady. Ol bapta laýazymdy adamdarǵa bir júz aılyq eseptik kórsetkish mólsherinde aıyppul salý jazasy qarastyrylǵan.
Aıta keteıik, ótken jyldyń shilde aıynda izdeýde júrgen polısııa general-maıory Nurlan Másimov shekaradan ótpek bolǵan jerinen ustalǵan edi.