Qazaqstannyń birinshi, álemniń 25-raketkasy Elena Rybakına Aýstralııa ashyq chempıonaty alǵashqy kúniniń qorytyndysy boıynsha dop berýden úzdik kórsetkishke qol jetkizdi, dep habarlaıdy Egemen.kz QTF-ǵa silteme jasap.
Rybakına ıtalııalyq Elızabetta Kochcharettomen matchta ekinshi settiń sońynda 195 km/saǵat jyldamdyqpen dop berdi. Bul osy ýaqytqa deıin áıelder arasynda úzdik kórsetkish sanalady.
Osy «Úlken dýlyǵa» dodasynyń 22-raketkasy bolyp tirkelgen qazaqstandyq tennısshi erteń ekinshi aınalymda dúnıejúzilik reıtıngte 104-orynda turǵan slovenııalyq Kaııa Iývanmen kortqa shyǵady.