Qasym-Jomart Toqaev Qaýipsizdik keńesiniń hatshysy Ǵızat Nurdáýletovke Iran tóńiregindegi jaǵdaıdyń ýshyǵýyn jáne elimizdiń turaqtylyǵyna tónýi múmkin qaýip belgilerin eskere otyryp, shuǵyl sharalar qabyldaý josparyn usynýdy tapsyrdy, dep habarlaıdy Egemen.kz.
Bul habarlamany Aqordanyń baspasóz qyzmeti taratty.
«Prezıdent Qasym-Jomart Toqaev Qaýipsizdik Keńesiniń Hatshysy Ǵızat Nurdáýletovke kúshtik qurylymdar men salalyq mınıstrlikterdiń jetekshilerimen birge Irandaǵy ahýaldyń ýshyǵýyna jáne elimizdegi turaqtylyqqa qater tóndirý yqtımaldyǵyna baılanysty shuǵyl sharalar josparyn ázirleýdi tapsyrdy», delingen habarlamada.
Memleket basshysynyń tapsyrmasymen barlyq kúshtik qurylymdar táýliktik jumys kestesine kóshirildi. Úkimette Syrtqy ister mınıstrligi jetekshilik jasaıtyn arnaıy monıtorıng toby jumysqa kiristi. О́ńir ákimderine Taıaý Shyǵysta bolyp jatqan jaǵdaıdy eskere otyryp, sheshim qabyldaý tapsyryldy.2026 jylǵy 28 aqpanda Iranda jarylystar boldy. Izraıldiń qorǵanys mınıstri Israel Kas soqqylar «Izraılge tóngen qaýipterdi joıýǵa» baǵyttalǵanyn málimdedi. Donald Tramp operasııaǵa AQSh-tyń da qatysqanyn rastady.
Iran jaýap retinde Izraılge ondaǵan zymyran ushyrdy
Buǵan deıin Syrtqy ister mınıstrligi Irandaǵy qazaqstandyqtardyń sany týraly aqparat bergen bolatyn.